+- BNews.PK - PAK No.1 Youth News Channel! (https://bnews.pk)
+-- Forum: Breaking News (https://bnews.pk/Forum-Breaking-News)
+--- Forum: Sports (https://bnews.pk/Forum-Sports)
+--- Thread: 000- Other City [Message to Admin] اسپین نے خواتین کا فٹبال ورلڈکپ جیت لیا، فائنل میں انگلینڈ کو شکست (/Thread-000-Other-City-Message-to-Admin-%D8%A7%D8%B3%D9%BE%DB%8C%D9%86-%D9%86%DB%92-%D8%AE%D9%88%D8%A7%D8%AA%DB%8C%D9%86-%DA%A9%D8%A7-%D9%81%D9%B9%D8%A8%D8%A7%D9%84-%D9%88%D8%B1%D9%84%DA%88%DA%A9%D9%BE-%D8%AC%DB%8C%D8%AA-%D9%84%DB%8C%D8%A7%D8%8C-%D9%81%D8%A7%D8%A6%D9%86%D9%84-%D9%85%DB%8C%DA%BA-%D8%A7%D9%86%DA%AF%D9%84%DB%8C%D9%86%DA%88-%DA%A9%D9%88-%D8%B4%DA%A9%D8%B3%D8%AA)
اسپین نے خواتین کا فٹبال ورلڈکپ جیت لیا، فائنل میں انگلینڈ کو شکست - M owais sher - 08-20-2023
اسپین کی خواتین فٹبال ٹیم نے فیفا ورلڈکپ کے فائنل میں شاندار کارکردگی دکھاتے ہوئے انگلینڈ کو ایک صفر سے شکست دے کر عالمی کپ جیت لیا۔ اسپینش ٹیم نے پہلی مرتبہ ویمن فٹبال چیمپیئن بننے کا اعزاز حاصل کیا۔
آسٹریلوی شہر سڈنی کے ایکور اسٹیڈیم میں کھیلے گئے ویمن فٹبال ورلڈکپ کے فائنل میں اسپین اور انگلینڈ کی ٹیموں میں کانٹے کا مقابلہ ہوا۔
اسپین کی اولگا کارمونا نے میچ کے 29ویں منٹ میں گول داغ کر اپنی ٹیم کو برتری دلائی جو میچ کے اختتام تک برقرار رہی۔ انگلینڈ کی ٹیم نے میچ میں واپسی کی بھرپور کوشش کی لیکن اسپینش گول کیپر نے ایک بار بھی گیند جال کے اندر نہ جانے دی۔
میچ کا اختتام ایک صفر سے اسپین ویمن ٹیم کی کامیابی پر ہوا اور اس جیت کے ساتھ اسپین نے پہلی مرتبہ فیفا ویمن ورلڈکپ کا ٹائیٹل اپنے نام کرلیا۔
اسپین خواتین اور مرد دونوں میں فٹبال ورلڈکپ جیتنے والا دنیا کا دوسرا ملک بن گیا اس سے قبل یہ اعزاز صرف جرمنی کو حاصل تھا۔
امریکا کو سب سے زیادہ 4 مرتبہ فیفا ویمن ورلڈکپ جیتنے کا اعزاز حاصل ہے۔ جرمنی کی خواتین فٹبال ٹیم 2 مرتبہ چیمپیئن بن چکی ہے جبکہ اسپین، جاپان اور ناروے نے ایک ایک ورلڈکپ جیتا ہے
Source: Times of Karachi